Hvurskonar endemis vitleysa er þetta?

Var að lesa á visi.is um hrakningar Ásthildar Björt Pedersen hjá Tryggingarstofnun. Sagan er lauslega sú að hún bjó með ofbeldisfullum frakk og flúði hann og Frakkland, þar sem hún bjó. Þau virðast hafa átt eitt barn saman sem Ásthildur tók með sér til Íslands. Stuttu eftir komuna veikist svo litla barnið. Þá stendur hún frammi fyrir því að reglurnar á Íslandi eru þær að þú kemst ekki inní kerfið fyrr en eftir sex mánuði. Hún þarf að sækja rétt sinn til Frakklands. Henni hefur verið vísað út af sjúkrastofn með barnið fárveikt. N.b. hún er íslenskur ríkisborgari og hefur aldrei flutt lögheimilið til Frakklands. Hvurskonar gamaldags kerfi er þetta? Geri ekki ráð fyrir að flóttafólk sem tekið er á móti þurfi að búa fyrst í sex mánuði á Íslandi áður en það kemst inn í íslenska samtryggingarkerfið. Hins vegar þurfa íslendingar, sem búið hafa erlendis og stundað þar nám eða vinnu og vilja flytja aftur heim, að búa sex mánuði á Íslandi til þess að fá almennilegan aðgang að heilbryggðiskerfinu. ER EKKI ALLT Í LAGI.

Þegar ég og fjölskylda mín fluttum til Finnlands var ég samdægurs kominn inn í samtryggingarkerfið. Naut þar fullra réttinda ásamt allir fjölskyldunni að sjálfsögðu. Fékk meira að segja senda heim upplýsingabæklinga um stofnanir og hvernig kerfið virkaði.