Virðing, vinátta og jafnrétti

Íslenska samfélagið er allt að fjalla um bókina um tíu litla negrastráka. Í upphafi fannst mér þetta stormur í vatnsglasi. Vitleysa sem hlyti að rjátlast af einn hugsjúkri kellu. Þetta væri bara bók eins og hver önnur bók með vísum og myndum sem allir krakkar ættu rétt á að lesa eða heyra lesnar. Rétt eins og aðrar bækur um hvít, gul eða rauð börn. Ég sá ekki kjarnan og hinn falda áróður sem falinn er í framsetningu þessarar bókar. Eftir að ég las grein borgarstjórabróðursins og hlustaði á skýringar Godds í Sjónvarpinu í gær, er ég mun upplýstari og furða mig á að hafa ekki séð þann ljóta boðskap sem fylgir þessari bók. Svei mér þá ef ég mundi ekki henda bókinni væri hún til á mínu heimili. Hún er klárlega bók síns tíma með ljótan og afskræmdan áróður. Samfélag manna byggist á virðingu, vináttu og jafnrétti.