Sælan

Langt síðan ég skrifaði og mikið verið að gera. Adam búinn á sundnámskeiðinu og myndir á myndasíðunni undir sumar 2007 þar má sjá prinnsinn og prinsessuna á ströndinni í Molpe. Reyndar hefur ekki verið neitt sérstakt veður í sumar bara um 20 stiga hiti að jafnaði þótt við séum búin að fá marga virkilega góða og heita daga þá er þetta ekki venjulega sumarið og þess vegna ekkert sérstakt miðað við Finnland. en samt miklu betra en maður á að venjast á Íslandi. Já semsagt Adam tók fullt af merkjum, eins og sundstigin heita hérna. Hann alveg að rifna úr stolti og foreldrarnir með. Anna svakalega dugleg á ströndinni og ekki vitund hrædd við vatnið... Ég hef bara verið með eitt vatnshrætt barn og það var hún Sandra mín sem núna stundar köfun í hjáverkum...

Stutt í að ég haldi á vit íslendinga, alla leið norður á Sauðárkrók að setja upp leikritið Alínu eftir undirritaðan. Sömu helgi verður útvarpað fyrsta þætti af tveimur sem ég gerði um Finnland. RUV sendir þessa þætti út undir nafninu "Grannar okkar". Það eru þáttastjórnendur frá öllum norðurlöndunum með tvo þætti og frjálsar hendur. Þetta var virkilega gaman.

Svo er það nýji fjölskyldumeðlimurinn... sjá myndina. Já hún er sæt og heitir Loppa, er angórublendingur og 4 vikna gömul. Kom til okkar í gær. Fyrst um sinn verður hún í Molpe hjá mormor og morfar. Þá erum við orðin fimm í heimili.