Nýjasta leikfangið.

Langar til að deila með ykkur nýjasta leikfangi fjölskyldunnar. Báturinn heitir Rais-Sport 600 með 85 hestafla mótor og er tæplega kvartaldar gamall. Ekki búinn að ná besta aldri, langt frá því. Í sumar á semsagt að skemmta sér á sjónum. Gamall draumur kallsins að rætast. Að eiga skemmtibát. Til hvers er þetta blessaða líf ef maður hefur ekki gaman af því? Það eru allir velkomnir til okkar og fara í siglingu um finnska skerjagfarðinn í kringum Vasa. Hér er nefnilega mjög fallegt, bæði á sjó og á landi. Reyndar ætlum við að fara eitthvað út í buskann í kringum 4. júní á stórafmæli frúarinnar og smá afmæli kallsins. Solla kemur í næstu viku og pabbi og Dóra í lok júní. Þetta verður frábært sumar...