Réttur einstaklingsins!

Nýlega kom upp mál hér í Finnlandi þess efnis að þjónustufyrirtæki við eldriborgar hafði ekki sinnt skildu sinni á síðasta ári. Fyrirtækið var dæmt til að endurgreiða viðskiptavinum sínum til baka sem nemur 1000 evrum á mann. Þetta er um 90.000 krónur. Þetta er töluvert stór hópur sem fær þessa peninga svo sektin er mjög há fyrir fyritækið. Auðvita skipta þessir peningar gríðalega miklu máli, bæði fyrir fyrirtækið og einstaklingana sem fá bæturnar. Það sem mér finnst þó skipta mestu máli í er að þeir sem sinna eldriborgurum eru gerðir ábyrgir fyrir vinnu sinni. Ef satt er sem skrifað hefur verið um þjónustu við eldriborgara víða á Íslandi ætti að vera hægt að draga bæði ríki, sveitafélög og önnur þjónustufyrirtæki sem sinna eldriborgurum fyrir dóm vegna vanrækslu við viðskiptavini sína. Er ekki mál að linni? Er ekki rétt að virða þá sem eldri eru? Munum að við verðum flest gömul og þurfum þá á aðstoð að halda. Það er ótvíræður réttur einstaklingsins að líða vel á hvaða aldri sem hann er!