Hús

Við höfum verið að leita "massíft" að húsi í úthverfi Vasa, sem heitir Sundom. Við erum nú með tvær eignir sem eru heitar. Búin að bjóða í aðra og fengum gagntilboð en ætlum að gera þeim gagn- gagntilboð. Þetta er húsið sem er hér að ofan. Því fylgir 120 fm útihús og 20 fm geymslu bjálgahús. En húsið sjálft er 167 fm að gólffleti á einni hæð með risi. Reyndar mjög háu risi. Það er búið að taka þetta hús allt í gegn og er mjög snyrtilegt. Hin eignin er mun stærri um 200 fm hús á tveimur fullum hæðum og 300 fm útihús á einum hektara lands. Þessi eign þar mikla endurbætur en bíður jafnframt uppá mikla möguleika. Sjáum hvað setur. Það gerist eitthvað í vikunni.