Menningarvika í Vasa

Lífið gengur og gengur. Petra búin að taka að sérkennslu svona í hjáverkum við gagnfræðaskólann í Petalax. Þetta er námskeið í norrænum fræðum, mjög spennandi og einmitt það sem hún hefur mikinn áhuga á, tengist upplýsingaöflun af netinu ect. Hún verður með einn til þrjá kennslutíma á dag í mars. Auðvita passar þetta vel inní námið hjá henni því það má segja að þetta sé praktiskt nám. En þetta bætist við þær 35-40 einingar sem hún ætlaði að taka til vors...

Ég handsalaði samning um uppsetningu á "Bláa hnettinum" eftir Andra Snæ, við Borgarleikhúsið hér í Vasa (finnskumælandi) vorið 2009. Já þeir kunna að skipuleggja sig hérna í Finnlandi. Leikhússtjórinn Markus Packalén, kom með þá hugmynd að hafa íslenska menningarviku, vikuna sem frumsýna á Bláa hnöttinn. Það er búið að tala við alla deildarstjóra listastofnanna hér í Vasa og einnig borgarstjórann. Þessu hefur verið vel tekið. Ég er að byrja að kanna vilja íslenskra stofnanna að vera með. Það er ekki ætlunin að búa til einhverja risa menningarhátíð heldur skemmtilega kynningu á Íslandi og íslensku listalífi.