66° í Finnlandi frá Finni frænda

Hér í Finnlandi er búinn að vera kaldur og snjóþungur vetur. Alvöru vetur sem krökkunm finnst vera "besti vetur í heimi..." eins og Anna orðaði það. Þrátt fyrir kulda allt að -30°, eins og var í gærmorgun, þá er ekki svo ískalt. Það er nefnilega alltaf logn. Kyndingakostnaður hússins ríkur hins vegar upp, ekki hvað síst fyrir það að í svona miklum frosthörkum þarf að keyra hitablásara í hesthúsinu. Maður er að þjálfast í að nota arinofninn til að kynda upp húsið svo ég vona að reikningurinn fyrir febrúar verði eitthvað lægri en tvo síðustu mánuði.
Anna sagði í gær, að það væri gott að eiga svona góðan frænda eins og Finn frænda...

Af hverju? spurði ég.
Hann gefur okkur alltaf 66° norður föt í jólagjöf.

Hann Fonsi minn hefur alltaf haft eitthvað í sér að hitta á góðan streng. Og nú bíða Adam og Anna bara eftir að Finnur frændi fari að láta sjá sig í heimsókn til Finnlands.