Terrorruglið...

Þetta skrifaði Jónas Kristjánsson 2.5. 2008.
Nelson Mandela terroristi Nelson Mandela er á lista Bandaríkjanna yfir eftirlýsta hryðjuverkamenn. Einn merkasti núlifandi maður heims er skráður terroristi. Sem ætti því að grípa og senda í pyndingabúðir í Guantanamo. Hins vegar eru hvorki George W. Bush né Dick Cheney á listanum, þótt þeir ættu að vera þar. Margt fleira skemmtilegt fólk er á listanum, t.d. Barbara Masekela, sem var sendiherra Suður-Afríku í Bandaríkjunum 2002-2006. Listinn yfir meinta terrorista er gott dæmi um geðveika ruglið, sem ræður ríkjum í Bandaríkjunum. Ungabörn eru handjárnuð þar á flugvöllum, ef þau eru alnafnar fólks á listanum.