Laufabrauð fyrir jólin.

Á sunnudaginn var ég í skype sambandi við Pétur vin minn sem oftar. Heima hjá honum var hópur vina og ættingja að baka laufabrauð. Þau sendu mér uppskriftina sem byrtist hér:
500 gr. hveiti,
20 gr. sykur,
1 tesk. lyftiduft,
ein lítil teskeið salt (ekki mikið),
3 1/2 dl mjólk,
40 gr. smjörlíki,
ein tsk kúmen (ef þú vilt hafa það í),

Sjóða mjólkin smjörlíkið og kúmenið saman og setja þurrefnin í hrærivél og hella mjólkinni og því út í og hnoða. Fletja síðan út mjög í mjög þunnar kökur og skera út í þær og steykja síðan í feiti, svo er það bara að borða þær.

Adam og Anna voru bæði heima í dag. Adam með magakveisu og Anna ekki en búin að ná sér af veikindum síðustu daga. Við réðumst á uppskriftina og höfðum laufabrauðsdag í nýja kotinu okkar í Sundom. Nú eigum við stafla af laufabrauðum fyrir næstu jól. En ég á eftir að redda hangikjötinu. Þarf að biðja einhvern velkviljaðan ættingja eða vin á Íslandi að senda okkur bita (getur náttúrulega verið sama manneskjan, eða þannig).