Gullinstjarnan búin að fá kallið!

Jæja þá er komið bréf frá sjúkrahúsinu. Gullinstjarnan mín hún Anna Alina fer í háls- og nefkirtlatöku þann 27. maí. Þetta er heilmikil aðgerð en ef allt gengur vel þá þarf hún ekki að liggja nótt á spítalanum. Fær að koma heim seinni partinn. Hún er kölluð inn á spítalann klukkan korter yfir sjö. Þennan dag er ég að leika tvær sýningar á "Smaladrengnum og tröllskessunni" svo það verður Petra sem verður með gullinstjörnunni okkar. Ég verð svo á spítalanum þegar prinsessan vaknar. Þann 29. koma svo Haffi og Solla til Vasa. Þannig að þetta verða stórir dagar hjá okkur.