Samlestur.

Þá er Græna landið í minni leikstjórn komið á fullt í Wasa teater. Fyrsti samlestur var í dag. Þar kynntum við, listrænir stjórnendur verksins, okkar hugmyndir og síðan var samlestur í leikmynd. Já það gerist ekki oft í leikhúsi að leikmyndin er komin upp á fyrsta samlestri. Vignir Jóhannsson er höfundur leikmyndarinnar og Ilkka Palionemi hannar lýsinguna. Báðir frábærir listamenn sem ég hef unnið með áður. Það ríkti stemming og góður andi sveif yfir vötnum.